БИШКЕК, 4-сен. — Sputnik. Бишкекте Байтик баатыр менен Сүйөркулов көчөлөрүнүн кесилишинде шаардыктардын эс алуусу үчүн жаңы аллея пайда болду. Бул тууралуу мэриядан маалымдашты.
Билдирмеге караганда, "Бишкекзеленхоз" менен "Тазалык" бир жума бою аталган аймакты жакшыртуунун үстүндө иштешкен.
"Аллеяга отургучтар, таштанды салчу челектер орнотулуп, жашыл өсүмдүктөр отургузулду. Мындан сырткары, аймак өзгөчө таштар менен кооздолгон. Өсүмдүктөрдү сугаруу үчүн ирригациялык система дагы орнотулду", — деп айтылат маалыматта.
Аллеяны жакшыртуу иштери дагы деле уланууда. Бишкек мэрия жарандарды тазалыкты сактоого чакырат.