Жер титиреген учурда көп кабаттуу үйдүн жашоочулары сыртка чыга турган болсо лифтке түшпөй, тепкич менен чыгышы керек. Бул тууралуу Замир Дүйшеев Sputnik Кыргызстан радиосунун "Ачык кеп" программасында маек куруп жатып билдирди.
Анын айтымында, жер силкинген маалда лифт иштебей калышы толук ыктымал.
"Албетте мындай учурда адам өзүн жоготуп, эмне кыларын билбей калышы мүмкүн. Бирок ошентсе да канткенде жанын сактап калаарын ойлонушу керек. Эгер көп кабаттуу үйлөрдө жашаса жер силкинген учурда лифт эмес, тепкич менен түшүү зарыл. Себеби лифт иштебей калышы ыктымал. Ошондой эле өтө муктаждык болбосо жер титиреген учурда ширеңке күйгүзүү да коопту", — деди башкы машыктыруучу.
Ал жер титиреген маалда ызы-чуу салбаганга аракет кылуу керектигин кошумчалады.