БИШКЕК, 31-авг. — Sputnik. Ош шаарындагы №40 бала бакчада үч жашар бала чарчап калды. Бул туурасында аталган шаардык милициядан кабарлашты.
"Ош шаарындагы №40 бала бакчада чатак окуя болду. Төрт жашар бала уктап жатып эле ойгонбой калыптыр. Баары унчукпай турушат. Ал эми Шаардык билим берүү башчысы Көчмөндөр оюнуна кетип жатат" деп жазган.
Милициядан алдын ала маалымат боюнча бала уктап жатып эле ойгонбой калганда тарбиячылар Тез жардам чакыргандыгын айтышты.
"Баланын ата-энеси соттук-медициналык экспертизага жана милицияга арыз жазгандан баш тартышты", — дешти тартип коргоо органдарынан.
Алар бөбөк мамлекеттик бала бакчага баргандыгын жана ата-энеси наристенин талма оорусу бар экендигин жашырып коюшкандыгын маалымдашкан.
Бул факты боюнча иликтөө иштери башталды, бирок кылмыш иши козголо элек.