Sputnik Кыргызстан агенттиги Көчмөндөрдүн дүйнөлүк III оюндарын даярдоо жана өткөрүү боюнча катчылыгы, Жаштар иши, дене тарбия жана спорт агенттиги менен биргеликте спортчулар күч сынашчу мелдеш түрлөрүнүн эрежелерин даярдоодо. Бул ирет гуштини милли камарбанди менен тааныштырабыз.
Жалпы жобо
3000 жылдан бери белгиленип келген Нооруз майрамында гуштини милли камарбанди өтчү. Бул күрөш согуштук машыгуунун бир түрүнөн кирген. Анткени жортуулга чыккан жоокерлер ат үстүндө жоо менен кармашкандыктан белдин жана билектин күчү чоң роль ойногон.
Дүйнөлүк көчмөндөрдүн III оюндары 2018-жылдын 2-сентябрында Чолпон-Ата шаарындагы ат майданда башталат. Мелдештин курамына спорттун 37 түрү кирип, 79 өлкөнүн 2300 спортчусу күч сынашмай болду. Спорттун түрлөрүнө 15 мамлекеттин улуттук оюндары киргизилген.