БИШКЕК, 30-авг. — Sputnik. Кыргызстандын эгемендүүлүк күнүнө карата өткөн көк бөрү боюнча президенттин кубогу өтүп, баш байгени Таластын "Бакубат Талас" командасы илип кетти.
Кубок ээлери финалдык беттеште Ысык-Көлдүн "Толкун" командасы менен күч сынашты. Мелдеш Бишкектеги "Ак-Кула" ат майданында өттү.
Президенттин кубогу үчүн ар дубандан келген 12 команда беттеш өткөрдү. Буга чейинки мелдештин жыйынтыгында "Сары-Өзөн Рассвет" командасы үчүнчү, "Шыралжын" командасы төртүнчү орунду алды.
Белгилей кетсек, Кыргыз республикасынын президентинин кубогу жыл сайын өткөрүлүп келет. Быйыл жогорку лиганын улакчылары Көчмөндөр оюндарына даярданып жаткандыктан, экинчи лигадагы командалар ойноду.
Көк бөрү оюнунун тарыхы, эрежеси, командалардын рейтинги жана кызыктуу фактылар тууралуу билгиңиз келсе Sputnik Кыргызстан агенттигинин инфографикасын караңыздар.