Сүрөтчү Кыргызстанга өткөн айда келип, 25 күн жүрүп кеткен.
"Бул менин Кыргызстанга биринчи жолу келишим, бирок дагы бир жолу, кышында келип кетүүнү пландап жатам. Өлкөнүн кышкы сулуулугун дагы тартып алышым керек", — деп жазды ал.
Sputnik агенттиги өткөн аптада сүрөтчүнүн Кыргызстандын керемет жаратылышын чагылдырган эмгектерин жарыялаган.
Кийин белгилүү болгондой, Ватсон кооз жаратылыштан сырткары, меймандос жана жайдары кыргызстандыктарды дагы сүрөткө тартып алган экен.