БИШКЕК, 25-авг. – Sputnik. Кытайда поездде майыпмын деп догурунуп аялдын ордун ээлеп алган кишинин ким экендигин социалдык тармактын колдонуучулары алеки заматта таап чыгып, кечирим суратты. Бул туурасында РИА Новости жазды.
Окуя 21-августта Цзинань — Пекин тез жүрүүчү поезд каттамында 21-августта болгон. Чатактын видеосу интернетке жайгаштырылып, ал коомчулуктун нааразылыгын жараткан.
Ал киши ордумду бериңиз деген аялга бейкарап отуруп алып "Кааласаң туруп алып, кааласаң отуруп бар, жок десең, ресторан барга кирип алсаң болот" деп жооп кайтарган.
Окуяны видеодон көргөн социалдык тармактын катышуучулары догурунган мындай кишиге "чабул" баштаган. Анын паспорттогу сүрөтү, толук атын-жөнү, дагы башка маанилүү делген маалыматтары, телефон номери интернетке тарап кеткен. Бул "жазадан" соң калпычы видео кайрылуу жасап, мындан ары жогорудагыдай ишке барбастыгын айтып, коомчулуктан кечирим сурап, жаны калган.
Бирок, тез жүрүүчү поезддин ишин жөндөгөн China Railway Jinan Group ага карата жаза көрүлүп, бир нече убакытка чейин билет сатып алуу укугунан ажыратылгандыгын кабарлаган. Буга кошумча алдамчыга 200 юань айып салынган.