57 жаштагы Мозес Лэнхэм аны тааныгандардын арасында Мистер Эластик катарында белгилүү. Буттары ийкемдүү болуп, Гиннес китебине эки жолу катталган. Мындай тубаса аномалиядан улам, буттарын 180 градуска буруп, басып жүрө берет.
Бул видео YouTube каналына жүктөлгөн.
Мозес бала кезинде мектепте партадан кулап кеткенде гана ушундай таңгалычтуу жөндөмү туурасында билген. Ал тубаса ийкемдүү, тагыраагы "эки муундуу": буттарында кемирчек жана булчуң ткандары көп дешкен адистер. Мындан улам элди таңгалдырып басып кетет. Ал эми башкалар мындай жөндөмгө ээ эмес. Мектепте, институтта башкаларды тамашага салыш үчүн тескери буттар менен басып жүрсө, кийин ар кыл шоу-программаларга тартыла баштаган.
Уулу Трейге Мозестин өзгөчөлүктөрү өткөнү менен, аны азырынча кайталай албай келет.