БИШКЕК, 24-авг. — Sputnik. Москвада бейтааныш адам эч себеби жок эле эки полиция кызматкерине ок чыгарган.
Нападение на полицейских в Москве. Кадры с камеры наблюдения
© Видео / Следственный комитет РФ
Окуя Москванын чок ортосундагы Сивцев Аражев туюк көчөсүндө кечке жуук болгон. Кол салуунун кесепетинен укук коргоочулардын бири жаракат алганын РИА Новости агенттиги жазып чыкты.
Кылмышкер дагы ок жегендиктен ооруканага жаткырылып, операция жасалган. Кийин ал өзүнө келбей көз жумганы маалымдалды. Ал эми полиция кызматкерине медициналык жардам көрсөтүлүп, абалы туруктуу экени айтылды.
Ошондой эле кол салган киши 31 жаштагы Кабардино-Балкария республикасынын жараны экени маалым болду. Ал эмне себептен ок чыгарганы азырынча белгисиз.
Аталган факты боюнча "укук коргоочулардын өмүрүнө кол салуу" беренеси боюнча кылмыш иши козголду.