БИШКЕК, 24-авг. — Sputnik. "Кыргызстан" фракциясы Бишкек шаардык кеңештин (БШК) төрагалыгына Кубанычбек Конгантиевдин талапкерлигин көрсөттү. Бул тууралуу БШКнын маалымат кызматы билдирди.
38 жаштагы Конгантиев 2012-жылдан бери шаардык кеңештин депутаттыгын аркалап келет. Ал мурунку башкы прокурор Молдомуса Конгантиевдин бир тууганынын баласы.
Шаардык кеңештин мурунку төрагасы Алмаз Кененбаев президенттин аппарат жетекчисинин орун басары болуп дайындалган.