Каза тапкан эне-бала тез татым жасачу. Бул тууралуу Жеңиш Аширбаев билдирди.
Анын айтымында, 36 жаштагы келин өзүнүн уулу менен тамак даярдап жатканда баллон жарылып кеткен.
"2018-жылдын 23-августунда саат 7:15тер чамасында 102 телефону аркылуу жарандар Араван райондук ИИБне өрт тууралуу маалымат беришкен. Араван районунун Керме-Тоо айыл аймагынын Гүлбар айылында ашканадан чыккан өрт газ баллондун жарылуусунан чыккан. Ал жерде 36 жаштагы келин баласы менен тез татымдарды жасачу экен. Жардыруу болгон жерде газ баллондун негизги бөлүгү ошол жерде калып, калганы ар тарапка учкан", — деди маалымат катчы.
Аширбаев өрт чыккан ашкана каза болгон келиндин атасына таандык экенин кошумчалады.
Эске салсак, буга чейин Ошто намазкана өрттөнүп, ичиндеги эки адам каза болгонду жана бул окуяга ашканадан чыккан өрт себеп болгону кабарланган эле.