БИШКЕК, 23-авг. — Sputnik. Көчмөндөрдүн дүйнөлүк III оюндарында армрестлинг (кол күрөш — ред.) боюнча дүйнөнүн чар тарабынан 100гө чукул профессионал спортчу катышат. Бул туурасында Жаштар иши, дене тарбия жана спорт боюнча мамлекеттик агенттиктен кабарлашты.
Эске сала кетсек, ДКО 2018-жылдын 2-8-сентябрь күндөрү Ысык-Көлдүн жээгинде өтөт. Ал эми армрестлинг мелдешинин финалы 3-сентябрда Бактуу-Долоноту айылындагы ден соолукту чыңдоо борборунда болот.
Спортчулардын тизмеси:
Евгений Прудник — Украинанын 15 жолку, Европанын төрт жолку жана дүйнөнүн алты жолку чемпиону;
Дмитрий Трубин (Казакстан) — оор салмакта дүйнө чемпиону;
Виктория Илюшина (Украина) — Европанын жана дүйнөнүн көп жолку чемпиону;
Даниел Прокопчук (Молдова) — оң колдон дүйнө чемпиону;
Дмитрий Докучаев — Өзбекстандын абсолюттук чемпиону, Азиянын көп жолку чемпиону, Россия, Финляндия, Германиядагы эл аралык турнирлердин жеңүүчүсү.
Мелдеште кыз-келиндер жана эркектер оң жана сол кол менен таймаша алат. Ар бир салмакта бирден спортчу мелдешет.
Эркектер: 75 кг, —95 кг, —105 кг, 105+ кг;
Айымдар: —75 кг, 75+ кг.
Мелдештер Бүткүл дүйнөлүк армрестлинг федерациясынын эрежеси менен өтөт.