Иш-чара 23-августта саат 11.00дө Sputnik Кыргызстандын мультимедиалык маалымат борборунда өтөт. Борбор калаадагы жана анын айланасындагы мектептер толуп калган.
Адистердин айтымында, анын себептеринин бири — мыйзамсыз курулуштар. 1990-жылдардан тарта борборду "саман шакекчеси" курчап калган. Ал — жаңы конуштардан турган саман үйлөр. Ал турак жайлар акырындап отуруп, мыйзамдаштырылганы менен аталган аймактардын бардыгында мектеп маселеси чечилген эмес. Анын айынан Бишкектин мектептерине күч келген. Анын кесепетинен класстагы окуучулардын адаттагыдан көп болуп, билимдин сапаты начарлап, мугалимдерде артыкча түйшүк жаралган. Жугуштуу оорулар арбып, мектеп рэкетчилиги күчөгөн.
Тегерек столдун катышуучулары бул маселени бир мектептин мисалында карап, талкуулайт. Ал 320 окуучуга эсептелсе, иш жүзүндө 1 420 бала окуйт, тагыраагы төрт эсе көп. Бийлик аны кеңейтүүгө же башка мектеп курууга мүмкүнчүлүк бере элек. Анткен менен кафелер менен мечиттер болуп көрбөгөндөй көбөйүүдө. Мектеп жетекчилиги аргасыздан сарайды эки окуу классына айлантып, жабдып чыккан. Андан сырткары, сабактар китепкана менен мектеп коридорлорунда өтүп, эки эмес, төрт нөөмөттө окутулуп жатат.
Катышуучулар:
Билим берүү жана илим министрлигинин өкүлү;
МУСАБАЕВА Айжан Бахытжановна — Пригородное айылындагы орто мектептин ата-энелер комитетинин төрайымы;
Ветеринардык жана фитосанитария боюнча мамлекеттик инспекциянын өкүлү;
БОКОЕВ Болотбек Осмонович —Экологиялык жана техникалык коопсуздук боюнча мамлекеттик инспекциянын башкы инспектору;
ХВАН Людмила Петровна — Аламүдүн районунун билим берүү, саламаттыкты сактоо жана социалдык коргонуу боюнча башкы адиси;
ИСМАНОВА Айчүрөк Акжоловна — Пригородное айылындагы орто мектептин директору;
Паязов Сактанбек Паязович — Пригородное айыл өкмөтүнүн башчысы;
САГЫНОВА Чолпон Хусейновна — Архитектура, курулуш жана турак-жай коммуналдык чарбасынын Турак-жай жарандык курулуш Департаментинин директорунун орун басары;
ИМАНАЛИЕВ Каныбек Капашович —Жогорку Кеңештин депутаты;
ИСАКОВА Чынара Курманалиевна — Бишкек шаарынын мэриясынын Билим берүү башкармалыгынын башкы адиси;