БИШКЕК, 20-авг. — Sputnik. Түркиянын Turkish Airlines компаниясы өзүнүн социалдык тармактардын бириндеги баракчасына Кыргызстан тууралуу видео-презентация жарыялады.
Роликте Кыргызстанга кантип келсе болору жана анын кооз жерлери жөнүндө айтылат. Бул видеону эки күндүн ичинде 57 миң адам көрүп, кыргыз жеринин сулуулугуна суктанган комментарийлерди жазышкан.
Аталган роликти компания Көчмөндөрдүн дүйнөлүк III оюндарынын алдында жарыялап, бул иш-чара өтө турган даталарга Түркиянын ар кайсы шаарларынан Бишкекке болгон каттамдарга дагы деле билеттер бар экенин билдирген.