БИШКЕК, 17-авг. — Sputnik. Кыргыз-казак өкмөттөр аралык VII кеңешинде бир катар документтерге кол коюлуп, эки чек ара өткөрүү пунктунун статусу өзгөртүлдү. Бул тууралуу өкмөттүн маалымат кызматынан билдришти.
Атайын кеңеш бүгүн, 17-августта Кыргызстан менен Казакстандын өкмөт башчылары Мухаммедкалый Абылгазиев менен Бакытжан Сагинтаевдин төрагалыгында өттү.
Ошондой эле "Ак-Тилек" менен "Ак-Жол" пунктунан өтө турган адамдардын саны дагы азая түшөрүн өкмөттөн кабарлашты.
Отурумдун соңунда КРдин Экономика министрлиги менен Казакстандын Улуттук экономика министрлиги ортосунда кызматташуу боюнча меморандумга кол коюлду.
"Келишимде эки өлкөнүн бардык маанилүү экономикалык маселелери каралып, товар айлануунун өсүшү камтылган. Документте ошондой эле суу ресурстарын колдонуу жаатындагы алаканы, ветеринардык-фитосанитардык коопсуздук жана башка көп көйгөйлүү маселелер эске алынган", — деп жазылат малыматта.
Белгилей кетсек, эки мамлекеттин ортосундагы соода жүгүртүүнүн көлөмүн бир миллиард долларга чейин жеткирүү максаты алдыга коюлган. Кыргызстан менен Казакстандын кезектеги VIII отуруму 2019-жылы Бишкекте өтөт.