БИШКЕК, 17-авг. — Sputnik. Америкалык окумуштуулар интернеттен таанышуунун эң ыңгайлуу ыкмасын аныктап чыкканын "Известия" басылмасы жазып чыкты.
Аялдын же эркектин көңүлүн буруу үчүн кыска жана урунттуу билдирүүлөрдү жиберүү керек.
Илимпоздор таанышуу сайттарына кирген 200 адамдын жүрүм-турумуна көз салган. Эксперименттин катышуучуларынын баары өмүрлүк жар издегени айтылат.
Натыйжада адамдар көбүнесе анча узун эмес жана эмоциясы азыраак каттарга жооп беришкен. Аларга карап окумуштуулар 50 жаштагы эркектерге, 18 жаштагы кыздарга "суроо-талап" күч экенин аныктап чыгышкан.
Буга кошумча таанышуу сайттарына кирген адамдар өз артыкчылыгы менен кемчилигин жакшы билери, мындан улам өзүнө окшош киши издей турганы айтылды.