БИШКЕК, 17-авг. — Sputnik. Бишкек шаарынын 7-апрель жана Медеров көчөлөрүнүн кесилишинде 13 жүргүнчүсү бар микроавтобус менен ВАЗ 21-10 жеңил унаасы сүзүштү. Бул тууралуу Бишкек ШИИБинин Жол кыймылы коопсуздугун камсыздоо башкармалыгынын маалымат кызматынан кабарлашты.
Билдирүүгө ылайык, жол кырсыгы 16-августта болжол менен саат 20.30дар чамасында болгон. Анда транспорттун ичиндеги кишилердин ичинен улгайган аял жаракат алып ооруканага жаткырылды. Калгандары жеңил жараат алып, коркуп калышкан.
Жыйынтыгында жол кырсыгына кабылган эки автомашина тең атайын унаа токтотуучу жайга токтотулуп, топтолгон бардык материалдар тергөө бөлүмүнө жиберилип иликтөө иштери улантылууда.