БИШКЕК, 15-авг. — Sputnik. Окумуштуулар адамдын жүзүн таануу үчүн мээнин көлөмү чоң болушу керек деген божомолду жокко чыгарды. Жаңы изилдөөнүн алкагында адамды таанууга аарылардын акылы жете турганы аныкталган. Бул тууралуу Frontiers in Psychology журналына жарыяланды.
Адамдын мээси жер жүзүндөгү бардык организмдердин ичинен эң татаалы болуп саналат. Ал бир көргөн адамдын жүзүн жаттап калууга жөндөмдүү. Себеби мээ адамдын денесин, жүзүн бөлүк-бөлүк менен эмес, толук көрүп, кабыл алат.
Франция, Германия жана Австралиянын окумуштуулары курт-кумурскалар да адамдын жүзүн толук көрө алабы деген суроого жооп издеп, мисалга аарыны алышкан.
Узакка созулган иликтөөлөрдүн натыйжасында, аарылар адамдардын ак-кара түстөгү сүрөттөрүн таанып жатканы байкалган. Кошумча изилдөөлөр аарылар адамдын бетин толук көрө аларын далилдеген.