БИШКЕК, 9-авг. — Sputnik. Борбор калаадагы "Ош" базарынын айланасынан өрт чыкканын ӨКМден билдиришти.
Маалыматка ылайык, 9-августтун таңында Москва жана Фучик көчөлөрүнүн кесилишинде жайгашкан ун чыгаруучу заводдон өрт чыккан.
Өрттү өчүрүүгө алгачкы унаа саат 04:53дө чыгып кеткен. Жалпы жонунан 5 бөлүм тартылып жеринде иш алып барууда.
Ошондой эле ИИМ кызматкерлери жана Бишкек Тазалык ишканасынан 4 суу ташуучу унаа тартылган. Кошумча маалымат берилет.