БИШКЕК, 8-авг. — Sputnik. Кыргызстандын аймагында 9-августта жаан-чачын күтүлбөйт. Шамалдын багыты өзгөрүлүп турат. Ылдамдыгы секундасына 4-9 метрге жетет. Бул тууралуу Кыргызгидрометтен билдиришти.
Абанын температурасы Чүй облусунда +32…+37, Таласта +30…+35 градуска жетсе, Ысык-Көл жана Нарын аймагында 27…32 градуска дейре ысык болот.
Ош, Жалал-Абад жана Беткен облустарында күндүн табы +32…+37 градуска чыгат.
Бишкек жана Ош шаарларында абанын температурасы 35…37 градус ысык болмокчу.