БИШКЕК, 7-авг. — Sputnik. Экономикалык кылмыштуулукка каршы күрөшүү мамлекеттик кызматы коррупция менен күрөшүүдөн түшкөн каражаттар топтоло турчу депозиттик эсепке 143 миллион сом которду. Бул тууралуу мекемеден Sputnik Кыргызстан агенттигине билдиришти.
Бүгүн, 7-августта, Финпол 80 миллион 14 миң сом, буга чейин 63 миллион 363 миң сом которгон. Ошентип мекеме эсепке жалпысынан 143 миллион 377 миң сом түшүрдү.
Топтолгон каражат өкмөттүн чечими менен гана бөлүштүрүлөт.
Мындай жаңы аракеттер эсепке алуунун жана каражатты бөлүштүрүүнүн натыйжалуулугун арттырат.
Атайын эсеп ачуу боюнча буйрукка президент 16-майда кол койгон болчу.