БИШКЕК, 6-авг. — Sputnik. Венесуэладагы El Nacional басылмасынын жетекчиси Мигель Отеро Twitter баракчасына дронду жок кылуу учуру тартылган видеону жарыялады. Видео Каракас шаарындагы Боливара проспектисинде Улуттук гвардиянын түзүлгөн күнүн утурлай уюштурулган парад учурунда тартып алынган.
Видеодо дрон-мультикоптер көрүнөт, анын асманда жарылып жаткан учуру камерага түшүп калган. Бул учурда Венесуэланын президенти Николас Мадуро сүйлөп жатканын угууга болот.
Министр кийин маалымат берип, президентке болгон кол салуу учурунда үч аппарат жарылганын тактаган.
Мадуро окуядан кийин элге кайрылып, бул кол салуунун артында оппозиция жана Колумбиянын бийлиги турарын айткан. Өз кезегенде Колумбиянын Тышкы иштер министрлиги Мадуронун айыптоолорун четке кагып, суу кечпей турганын билдирген.
Президентке кол салуу аракети боюнча шектүү катары алты киши кармалды.
Кол салууну "Фланель жоокерлер" уюму уюштурганын моюнга алды.