БИШКЕК, 3-авг. — Sputnik. Борбор калаадагы Иса Ахунбаев көчөсүнүн Чыңгыз Айтматов проспектисинен Бакаев көчөсүнө чейинки бөлүгү оңдоо иштеринен кийин ачылды. Бул тууралуу Бишкек мэриясынын капиталдык курулуш башкармалыгы билдирди.
Ахунбаев көчөсүнүн бул бөлүгү 3-июлда оңдоо иштери үчүн жабылган болчу.
Учурда Бишкекте жолдорду оңдоп-түзөө иштери кызуу жүрүп жатат. 2-августта оңдоо иштеринен улам Айтматов проспектисинин дагы бир бөлүгү жабылды.