БИШКЕК, 31-июл. — Sputnik. Суучулдар кызматы тарабынан 187 суудагы куткаруучу окутулуп, анын 130у Ысык-Көлдөгү пансионат жана ден соолукту чындоочу борборлордо, 57си Бишкек жана Чүйдөгү бассейндерде кызмат кылууда. Бул туурасында Өзгөчө кырдаалдар министрлигинен билдиришти.
Маалыматка ылайык, ӨКМде аппараттык кеңешме өтүп акыркы үч жума ичиндеги өлкөдөгү өзгөчө кырдаалдар, аларды жоюу жана алдын алуу иш чаралары, өрт-куткаруу бөлүмдөрүнүн аракети, кыш мезгилиндеги өзгөчө кырдаалдарга даярдык көрүү маселелери каралган.
"Жыйындын жүрүшүндө жай мезгилиндеги суудагы коопсуздук багытында аткарылган иш-аракеттер талкууланды. Анда түшүндүрүү, жеринен окутуу иштери, суунун абалын көрсөткөн маалыматтык такталар илинип, мындан тышкары, суудагы коопсуздук тууралуу эскертме катары жумасына эки жолудан СМС билдирүүлөр жөнөтүлүп жатканы айтылды", — деп жазылат маалыматта.
Мындан тышкары, Дүйнөлүк көчмөндөрдүн III оюндарына карата министрлик тарабынанан аткарылып жаткан иш-чараларды өз убагында аткарууну милдеттендирди.