БИШКЕК, 31-июл. — Sputnik. Биринчи Май райондук соту мурдагы премьер-министр Сапар Исаковдун камактагы мөөнөтүн узартуу боюнча баш коргоо чарасын караганы жатат.
Учурда Сапар Исаков сот залына кирип кетти. Сот жабык эшик артында өтөт.
Буга чейин Жогорку сот Исаковду 5-августка чейин камакта калтыруу боюнча чечим кабыл алынганын маалымдаган.
Сапар Исаков Кылмыш жаза кодексинин "Коррупция" беренеси боюнча айыпталууда.
Улуттук коопсуздук боюнча мамлекеттик комитеттин тараткан расмий билдирүүсүнө ылайык, Сапар Исаков 2013-жылы президенттин аппарат жетекчисинин орун басары рангындагы тышкы саясат бөлүмүнүн жетекчиси кызматында турган кезде "Бишкек ЖЭБин модернизациялоо" долбоорун ишке ашырууда өзүнүн саясий абалынан пайдаланган. Ал адамдардын бир тобу менен алдын ала белгиленген иш аракеттер аркылуу подрядчыны тандоо сынагында чет элдик компаниянын кызыкчылыгын колдогон. Натыйжада мамлекеттик жана коомдук кызыкчылыктарга чоң зыян келтирилген.