КР Тышкы иштер министрлиги Даниил Урицкий аттуу жаран 2010-жылы Кыргызстандан качып кеткен Данияр Үсөнов экенин тастыктаган.
Үсөнов 1960-жылы 9-мартта Фрунзе шаарында туулган. Инженер-электрик жана юрист адистиги боюнча жогорку билими бар.
Эмгек жолу:
1982 – 1984 — Урал аскер округунун 73-байланыш радиоборборунун бөлүм башчысы;
1984 – 1990 — уранды кайра иштеткен тоо-кен комбинатында механизация жана автоматизация боюнча инженер;
1990 – 1992 — Кара-Балта шаарынын администрациясынын жетекчи орун басары;
1992 – 1993 — Чүй облустук мамлекеттик администрациясынын жетекчисинин жардамчысы;
1993 – 1994 — Кыргыз-британ инвестициялык компаниясынын аткаруучу директору;
1994 – 1995 — "Эридан" каржы-өнөр жай корпорациясынын башчысы;
1995 – 2000 — Жогорку Кеңештин депутаты, вице-спикер, салык, төлөм, банк жана банк ишмердиги боюнча комитеттин төрагасы;
2001 – 2005 — "Инексимбанк" ЖАКтын директорлор кеңешинин төрагасы;
2005 – 2007 — КРдин вице-премьер-министри;
2007-жылдын февраль, март айлары — КРдин биринчи вице-премьер-министри;
2007 — "Инексимбанк" ЖАКтын директорлор кеңешинин төрагасы;
2007 – 2008 — Бишкек шаарынын мэри;
2008 — КР өнөгү фондусунун башкаруучулугунун төрагасы;
2009-жылдын январынан октябрына чейин КР президент аппаратынын жетекчиси;
10.2009 — 04.2010 — КР премьер-министри.
Үсөнов 2010-жылдын 7-апрелиндеги революциядан кийин өлкөдөн чыгып кеткен. 2014-жылы Бишкек гарнизон аскер соту аны премьер-министр болуп иштеп турганда кызмат абалынан кыянаттык менен пайдаланган жана адам өлтүрүүгө катышкан деп айыптап, сыртынан өмүр бою эркинен ажыратуу чечимин чыгарган. Ал бүгүнкү күнгө дейре издөөдө.
Баса, кокустук болуп өлкөдөн качып кетсеңиз, аты-жөнүңүз кандай болуп каларын да билип алыңыз. Тамашалуу оюнга көңүл бөлүп коюңуз