БИШКЕК, 30-июл. — Sputnik. Ноокен районундагы Рахманжан айылынын Шалка тилкесинде катуу шамал болуп үйлөрдүн чатырын учуруп кетти. Бул тууралуу ӨКМден маалымдашты.
Билдирмеге караганда, шамалдын ылдамдыгы секундасына 20-23 метрге жеткен. Анын кесепетинен беш турак үйдүн, бир кошумча курулуштун, үч бастырманын жана эки сарайдын чатырлары коңторулур калган.
Жалпысынан 116 даана шифер жарактан чыкты.