Бишкек — Нарын — Торугарт трассасынын Токмок шаарына жакын жеринде жүк ташуучу Mercedes үлгүсүндөгү автоунаа жолдун четинде күйүп жатканын күбө Sputnik Кыргызстан агенттигинин Telegram номерине жиберди.
Анын айтымында, жол кырсыгы саат 13:30дар чамасында болгон.
Видеодо ак түстөгү күйүп жаткан автоунаадан 40-50 метрдей ары жактан мал жүктөлүп токтоп турган экинчи жүк ташуучу машинаны көрүүгө болот.
Кырсык болгон жерде милиция кызматкерлери иштеп жатканы видеого тартылып калган.
Өзгөчө кырдаалдар министрлигинин маалымат кызматы жол кырсыгы боюнча маалымат түшпөгөнүн билдирди.