БИШКЕК, 25-июл. — Sputnik. Бишкектеги Репин көчөсү оңдоо иштеринен улам жабыла турганын мэриянын маалымат кызматы билдирди.
Ага ылайык, Репин көчөсүнүн Лев Толстойдон Гагарин көчөсүнө чейинки аралыгы 26-июлдан тарта жабык болот.
"Оңдоо иштери Бишкек шаарындагы автоунаа жолдорун калыбына келтирүү долбоорунун алкагында ишке ашып, жаңы асфальт төшөлүп, бордюрлар коюлат", — деп айтылат маалыматта.
Бишкек шаарынын Капиталдык курулуш башкармалыгы оңдоо иштерин 1-сентябрга чейин аяктайбыз деп ишендирүүдө.