Өткүн өтүп, күн күркүрөйт. Бир жумага карата аба ырайынын божомолу

БИШКЕК, 23-июл. — Sputnik. Кыргызгидромет бир жумага карата аба ырайынын божомолун жарыялады.

Ага ылайык, 23-июлда түнкүсүн жаан-чачын күтүлбөйт, күндүз Чүй жана Ысык-Көл облустарында өткүн өтүп, күн күркүрөйт. Калган аймактарда жаан-чачын болбойт. Батыштан соккон шамалдын ылдамдыгы секундасына 4-9 метрден, күндүз Чүй, Нарын облустарында жана Ысык-Көл акваториясында 15-20 метрге чейин жетиши мүмкүн.

Аптаптуу ысыктан улам иш күнү кыскартылабы? Министрликтин жообу

10 Теке 2018, 10:33

Чүйдө түнкүсүн 18…23 градус болсо, күндүз 32…37 градуска чейин көтөрүлөт. Таласта түндө 12…17 градус болуп, күндүз күндүн табы 30…35 градуска дейре ысыйт. Ош, Жалал-Абад жана Баткенде түндө 19…24 градус болуп, күндүз 34…39 градуска чейин жогорулайт. Ысык-Көлдө түндө 12…17 градус болсо, күндүз 24…29 градуска дейре жетет. Нарында түндө 10…15 градус жылуу болуп, күндүз 28…33 градуска чейин ысыйт.

24-июлда Чүйдө түнкүсүн 16…21, күндүзү 28…33, Таласта түнкүсүн 10…15, күндүзү 26…31, Баткенде түнкүсүн 18…23, күндүзү 32…37 градус ысык болот. Ал эми Ош менен Жалал-Абадда түнкүсүн 18…23, күндүзү 32…37 градуска көтөрүлөт. Термометр Ысык-Көлдө түнү +11…+16, күндүзү +23… +28ди, ал эми Нарында түнкүсүн +10… +15, күндүзү +25… +30 градусту көрсөтөт.

Ысык-Көл облусунун көпчүлүк аймактарында, Нарын облусунун кээ бир райондорунда, Чүй облусунун тоолуу райондорунда өткүн өтүп, күн күркүрөйт. Батыштан соккон шамалдын ылдамдыгы секундасына 4-9 метрден, Чүй, Нарын облустарында жана Ысык-Көл акваториясында 15-20 метрге чейин жетиши ыктымал.

25-июлда Чүйдө түнү 14…19, күндүзү 28…33, Таласта түнү 8…13, күндүзү 26…31, Баткенде түнкүсүн 16…21, күндүзү 32…37 градус ысык болот. Термометр Ош менен Жалал-Абадда түнкүсүн +16…+21, күндүзү +32…+37 градусту көрсөтөт. Ысык-Көлдө түнү +9…+14, күндүзү +23…+28, ал эми Нарында түнү +8…+13, күндүзү +25…+30 градус болот. Ысык-Көл облусунда өткүн өтүп, күн күркүрөп, батыштан соккон шамалдын ылдамдыгы секундасына 4-9 метрге чейин жетиши мүмкүн.

Канададагы ысык 17 кишинин өмүрүн алды

5 Теке 2018, 14:44

26-июлда. Чүйдө термометр түнкүсүн +15…+20, күндүзү +28…+33, Таласта түнү +11…+16, күндүзү+27…+32, Баткенде түнкүсүн +18…+23, күндүзү +33…+38 градусту көрсөтөт. Ош менен Жалал-Абадда түнкүсүн 17…22, күндүзү 31…36, Ысык-Көлдө түнкүсүн 11…16, күндүзү 22…27, Нарында түнкүсүн 8…13, күндүзү 26…31 ысык болот.

27-июлда Чүйдө термометр түнкүсүн +15…+20, күндүзү +28…+33, Таласта түнү +10…+15, күндүзү +28…+33, Баткенде түнкүсүн +17…+22, күндүзү +32…+37 градусту көрсөтөт. Ош менен Жалал-Абадда түнкүсүн 17…22, күндүзү 31…36 градуска чейин ысыйт. Ысык-Көлдө түнкүсүн +10…+15, күндүзү +22…+27, Нарында түнү 8…13 градус жылып, күндүзү 26…31 градус ысык болот.

Ал эми 28-29-июлда туруксуз аба ырайы сакталып, мезгил-мезгили менен өткүн өтүп, күн күркүрөйт.