БИШКЕК, 20-июл. — Sputnik. Жума күнү кечинде 102 кызматына Бишкектин бир эмес эки жеринде жардыруучу зат коюлган деген маалыматтар түшкөн. Бул тууралуу Sputnik Кыргызстан агенттигине Бишкек ШИИБинин маалымат катчысы Мира Абдылдаева кабарлады.
Билдирмеге караганда, эки чакыруу тең 20.30дар чамасында болгон.
Ленин РИИБинин кызматкерлери жардыруучу затты Киев менен Бейшеналиева көчөлөрүнүн кесилишиндеги басмаканадан, Свердлов районунун милициясы Абдылас Малдыбаев атындагы опера жана балет театрынын унаа токтотуучу жайынан издешти.
“Эки жакка тең жалган чакыруу болгону аныкталды. Опера жана балет театрынын жанынан шектүү деп табылган чемодандын ичинде кимдир бирөөгө тешелүү буюм-тайымдар чыкты. Басмаканадан шек жарата турган эч нерсе табылган жок”, — дешти маалымат кызматтан.
Буга чейин дагы милицияга жардыруучу зат коюлгандыгы боюнча жалган маалыматтар берилип жүрөт.