БИШКЕК, 19-июл. — Sputnik. Жалал-Абад облусунун Сузак районундагы Кара-Алма аймагындагы эс алуу жайынан жоголуп кеткен 5 жашар кыздын сөөгү табылганын ӨКМдин маалымат кызматы билдирди.
Буга чейин маалымдалгандай 18-июлда түшкү саат 12:00дөр чамасында эс алуу жайында ойноп жаткан жеринен беш жашар кызды атасы таппай калган болчу. Өз алдынча издөө аракеттеринен майнап чыкпагандыктан, жакындары куткаруучуларга кайрылган.
19-июлда кызды 10 куткаруучу, 5 милиция кызматкери жана сегиз жай тургун издеген. Саат 11:30дар чамасында кыздын сөөгү жоголгон жерден 500 метрдей алыс жерден табылган. Алдын ала маалымат боюнча ал сууга чөгүп кеткен.