БИШКЕК, 18-июл. — Sputnik. Окумуштуулар айрым кишилер эмне үчүн сыранын даамын такыр жактырбай турганын аныктады. Бул тууралуу LiveScience басылмасы жазды.
Ага ылайык, көпчүлүк уулуу заттын даамы ачуу болгондуктан адамдын мээси аны дароо зыяндуу нерсе деп кабыл алат. Ар бир кишинин даам сезүү рецептору түрдүүчө иштегендиктен жана башынан эле генетикалык түзүлүшү ага жагымсыз болгондуктан сыранын даамын жактырышпайт.
Ошондой эле сыранын курамындагы көмүркычкылы аны муздактай сездирет. Айрым кишилерде бул сезим аябай өрчүгөн.
Ага карабастан дүйнөдө сыра спирт ичимдиктеринин арасынан эң популярдуусу болуп саналат.