БИШКЕК, 16-июл. — Sputnik. Ош шаарында беш жаштагы кыз сууга агып кетип каза болгонун Ош ШИИБдин маалымат кызматынан кабарлашты.
Билдирүүгө караганда, кыз таенеси менен калаадагы Озгур айылына конокко келген. Ал канал жээгинде ойноп жүргөн жеринен сууга агып кетип каза болгон. Бөбөктүн ата-энеси эки ажырым жолго түшкөндүктөн ал таенесинин колунда тарбияланып келгени айтылат.
Ош шаардык милициясы быйылкы сууга түшүү сезонунда үч бала чөккөнүн маалымдап, жарандарды коопсуздук эрежелерин сактоого чакырат.