Бир катар ЖМКлар жарыялаган видеодо көрүнүп тургандай, Трамп алдыга басып, ханышанын жолун тороп алат. Елизавета экинчинин Тармптын алдына өтүүгө болгон аракетинин майнап чыкпайт.
Социалдык тармактардын көпчүлүк колдонуучуларды америкалык лидердин бул кылганы этикет талаптарына туура келбестигин жазышты.
"Пиджагы топчуланган эмес. Ханышага жол бербей алдыда баратат. Эл аралык коомчулуктун алдына маскарапоздонуптур", — деп жазды @MulletYvonne аттуу колдонуучу.
Ал эми @mcgregorm деген колдонуусу "Мен монархист эмесмин. Бирок Трамптын бул кылганы Британияны сыйлабастыгы. Өзүн туура алып жүрүүнү билбейт экен", — деген оюн билдирди.
Анткен менен АКШ лидеринин жүрүм-турумунда тыюу салынган эч нерсе жок экенин айтып чыккандар дагы болбой койгон жок.
"Албетте, Трамптын бул кылганы мактоого алчу нерсе эмес, бирок Британия падышалыгынын мүчөлөрүнүн жанында өзүн-өзү алып жүрүү боюнча сунуштама буга тыюу салбайт", — деп жазды Huffington Post басылмасы.
Белгилей кетсек, 12-июль күнү АКШ президенти Дональд Трамп Улуу Британияга расмий иш сапары менен барган.