БИШКЕК, 13-июл. — Sputnik. Бейшембиден тарта Ош шаарында аялдар үчүн бизнести пландаштыруу боюнча курстар башталды. Бул тууралуу Ош мэриясынын маалымат кызматынан билдиришти.
Ош шаарындагы Аялдар конгресси жана Иш менен камсыз кылуу башкармалыгы тарабынан уюштурулуп жаткан бул иш-чаранын негизги максаты — аялдарды бизнес-план жазууга үйрөтүп, ишкерлик баштоого багыт берүү.
Курстарга 40 аял катышып жатат.
Мындан ары Ош шаарындагы аялдар үчүн тикмечилик өнөрү, дизайнерлик искусство, компьютердик сабаттуулук боюнча курстар өткөрүлмөкчү.