БИШКЕК, 11-июл. — Sputnik. АКШлык биологдор организмдеги карып бара жаткан клеткаларды жок кылуучу каражатты ойлоп табышканын Nature Medicine журналына шилтеме берип РИА Новости жазды.
Бирок окумуштуулар жаңы каражатты азырынча чычкандардын гана организминде сынап көрүштү.
"Бул дары адам баласы ойлоп тапкан керемет нерсе болушу мүмкүн. Анткени организмдин жаштыгын ондогон жылдарга узартууга болот", — деди АКШдагы Карылыкты изилдөө улуттук институтунун кызматкери Фелипе Сьерра.
"Биринчиси эскирип бара жаткан клеткаларды өлтүрүп, экинчиси алардын ордун тазалап коерун көрдүк. Бир нече айдан кийин чычкандар кадимкидей активдүү болуп, булчуңдарында күч пайда боло баштаган", — деди Сьерра.
Анын айтымында, эгер бул каражаттар адамдын организмине дагы оң таасирин бере турганы аныкталса, ал медицинада колдонула баштайт жана баасы да жеткиликтүү болот.