БИШКЕК, 9-июл. — Sputnik. Бишкектин Баялинов (мурунку Ленинград — ред.) көчөсүнүн бөлүгү жабылганын Капиталдык курулуш башкарамалыгына таянуу менен шаар мэриясы билдирди.
Маалыматка ылайык, оңдоп-түзөөдөн көчөнүн Исановдон Махатма Ганди көчөсүнө чейинки бөлүгү өтөт.
"Ремонт иштеринин алкагында жолдун асфальты алмаштырылып, тротуар салынат. Жаңы бордюрлар орнотулуп, жол белгилери коюлмакчы", — деп айтылат билдирүүдө.
Оңдоо иштери 30-августка чейин уланары айтылды.