БИШКЕК, 8-июл. —Sputnik. Россия курама командасы Хорватиядан пенальтинин натыйжасы менен 4:3 эсебинде утулуп, хорваттар дүйнө чемпионатынын жарым финалына чыгышты.
Оюн Сочи шаарында өттү.
Эсепти биринчи таймда россиялыктар ачты. Удаа эле хорватиялыктар упай санын теңеп, эсеп ошол боюнча өзгөргөн жок. Кошумча убакыт берилип, алгач хорваттар бир гол киргизсе, экинчи таймдын акыркы мүнөттөрүндө россиялыктар эсепти теңеп койду.
Андан соң пенальти дайындалып, оюн 4:3 эсеби менен жыйынтыкталды.
Россиянын дүйнө чемпионатындагы оюнуна ушуну менен чекит коюлду. Ал эми хорватиялыктар 11-июлда өтчү жарым финалда шведдерди утуп алган Англиянын курамасы менен беттешмекчи.