БИШКЕК, 4-июл. — Sputnik. Россияда жол кырсыгына кабылган айдоочунун ичимдик ичкен-ичпегенин текшерүүчү жаңы ыкма иштей баштады. Бул тууралуу "Жолдогу коопсуздук" коомдук кыймылынын жетекчиси Артем Угрюмовго шилтеме берип РИА Новости агенттиги жазды.
Жол кырсыгына кабылып, эс-учун жоготуп койгон айдоочулардын канынан анализ алууга уруксат берген документке өлкө президенти 3-апрелде кол койгон.
"Мурда айдоочунун ичкени бир гана тестке үйлөтүү жолу менен аныкталчу. Ал эми эс-учун жоготкон айдоочуну үйлөтүү мүмкүн болбогондуктан, анын ичкенин аныктоо дээрлик мүмкүн эмес эле", — деди Угрюмов.
Ал эми акыл-эсинде турган айдоочулар эки ыкманын бирин тандоого укугу бар.
Жаңы киргизилген ыкма жол кыймылынын коопсуздугун көзөмөлдөө жаатында укук бузууларга каршы иштейт деп кошумчаланды.
Белгилей кетсек, 2017-жылы Россияда мас абалдагы айдоочулардын катышуусу менен 16,2 миң жол кыргысы болуп, жыйынтыгында 4,6 миң адам каза тапкан.