БИШКЕК, 4-июл. — Sputnik. Социалдык тармакта мышыктын алдында жаткан чычкан жерге тоголонгон бойдон качып кеткен видеосу колдонуучуларды кыраан күлкүгө салды.
Интернет колдонуучулар чыкандын "кылыгын" Бразилиянын курама командасынын оюнчусу Неймарга салыштырууда. Күйөрмандардын айтымында, Неймар акыркы оюнда кудум ушул чычкандай жерге тоголонгон.
"Бул Неймар, коргоочу ага жакын келип дем алганда ушунтип учуп кеткен", — деп жазат күйөрмандардын бири.
Эске салсак, өткөн аптада Бразилиянын курама командасы Мексиканы 2:0 эсебинде утуп, чейрек финалга чыккан болчу.