БИШКЕК, 29-июн. — Sputnik. Бишкекте Honda үлгүсүндөгү жеңил автоунаа алдыда кетип бараткан тракторду сүзүп, ала салып кеткен. Бул тууралуу күбө Sputnik Кыргызстан агенттигинин WhatsApp номери аркылуу билдирди.
Анын айтымында, кырсык бүгүн, 29-июнда, эртең менен саат 9:00дөр чамасында болгон.
"Honda Жибек Жолу проспектиси менен батышты көздөй баратып Осмонкул көчөсүнөн өткөндө оң жактагы башка айдоочу аны кысып салган. Сол тарапка дароо буруп алдыда бараткан тракторду сүзгөндөн кийин унаа ала салып кетти", — деди күбө.
Бишкек шаардык милициясынын билдиришинче, кырсык болгон жерге инспекторлор чыгып кетти. Алдын ала маалымат боюнча жабыркагандар жок. Бардык материалдар тергөө органдарына берилет.