БИШКЕК, 30-июн. — Sputnik. Жогорку Кеңештин төрагасы Дастанбек Жумабеков Бишкектеги борбордук жаңы мечитти көрүп келгени тууралуу парламенттин сайтына жарыяланды.
Аны Кыргызстандагы эң чоң мечит десек жаңылышпайбыз. Долбоорун Кыргызстан менен Түркиянын муфтияттары иштеп чыккан. Курулушуна Түркия тарап 25 миллион доллар бөлгөн.
Борбор Азиядагы эң ири мечиттердин бири боло турган ыйык жайдын жалпы аянты 3,5 гектарды түзүп, 10 миң адамга ылайыкташкан. Ошондой эле төрт мунарасынын ар биринин бийиктиги 70 метрди түзөт. Анын курулушу 2012-жылы башталган.