БИШКЕК, 26-июн. — Sputnik. Бишкекте ири көчөлөрдүн бири болгон 7-Апрель (мурдагы Шабдан баатыр) көчөсүндөгү ремонт иштеринен кийин жолдун батыш бөлүгү ачылды.
Мэриянын алдындагы Капиталдык курулуш башкармалыгынан билдиришкендей, оңдоо иштери Чүй проспектисинен Анкарага (Горький) чейинки бөлүгүндө (2200 метр) жүргүзүлгөн.
Жолго бордюрлар орнотулуп, жаңы технология менен асфальт төшөлдү.
Ремонт иштери үстүбүздөгү жылдын апрель айында башталган болчу.