БИШКЕК, 25-июн. — Sputnik. Каракол шаардык эмдөө борборунда ажыга бара турчулардын бардыгы — 87 киши эмдөөдөн өттү. Бул тууралуу муфтияттын маалымат кызматы билдирди.
Ага ылайык, эмдөөгө чейин жарандар медициналык кароодон өткөн.
"Ысык-Көл облусу боюнча быйыл 87 жаран каттоодон өтүп, алардын бардыгы вакцина алды. Ошондой эле болочок ажыларды жетектеп баруучу ажы башчылар дагы атайын медициналык кароодон өтүштү", — деп айтылат маалыматта.
Быйыл Сауд Аравиясы Кыргызстан үчүн 5400 квота бөлгөн. Ал эми муфтият ажылыктын баасы 2890 долларды түзгөнүн билдирген.
Зыяратчыларды Flaynas авиакомпаниясы ташыйт.