БИШКЕК, 21-июн. — Sputnik. Франциянын курама командасы Дүйнөлүк чемпионаттын алкагында өтүп жаткан группалык этаптын алкагында Перуну 1:0 эсебинде жеңип алды.
"С" тобундагы оюнчулардын кармашы бейшемби күнү Екатеринбург шаарында өттү.
Беттештин 34-мүнөтүндө франциялык Клиан Мбаппе каршылаштарынын дарбазасына гол киргизип, эсеп оюн соңуна чейин өзгөргөн жок. Ошентип Франция командасы мелдештин 1/8 бөлүгүндө ойноо мүмкүнчүлүгүнө ээ болду.