БИШКЕК, 21-июн. — Sputnik. Дания менен Австралиянын футбол курама командалары Дүйнөлүк чемпионаттын алкагында өтүп жаткан группалык этаптын алкагында беттешип тең чыкты.
"С" тобундагы оюнчулардын кармашы бейшемби күнү Самарада өтүп, 1:1 эсебинде жыйынтыкталды.
Даниялык Кристиан Эриксен оюндун 7-мүнөтүндө дарбазага топту киргизсе, австралиялыктар 38-мүнөттө пенальти тээп эсепти теңеди.
Австралиянын курама командасы 26-июнь күнү перулуктар менен беттешсе, ошол эле күнү даниялыктар Франциянын командасы менен кез келет.