БИШКЕК, 19-июн. – Sputnik. Дүйнөлүк футбол чемпионатынын алкагында беттешкен Сенегал менен Польшанын курамалары бүйүр кызыткан оюн көрсөтүштү.
Эки команда Москвадагы "Спартак" стадионунда кез келип, Сенегал 2:1 эсебинде жеңишке жетишти.
Оюндун 38-мүнөтүндө польшалык Тиаго Ционек өзүнүн дарбазасына топту киргизип алса, 60-мүнөттө Мбай Ньянг гол киргизип эсепти эки эселеди. Ал эми 86-мүнөттө польшалык Гжегож Крыховяк каршылашынын дарбазасына гол киргизүүгө жетишти.
Буга чейин "Н" тобундагы Япония Колумбия менен ойноп 2:1 эсебинде жеңишке жеткен.