БИШКЕК, 18-июн. — Sputnik. Шейшемби күнү тоолуу райондордо өткүн өтүп, күн күркүрөйт. Бул тууралуу Кыргызгидромет билдирди.
Ага ылайык, батыштан соккон шамалдын ылдамдыгы секундасына 4-9 метрге жетет.
Абанын температурасы көтөрүлүп, Чүй, Талас, Ош, Жалал-Абад жана Баткен облустарында 29…34 градус ысык болсо, Ысык-Көлдө 23…28, Нарын жергесинде 25…30 градус жылыйт.
Бишкек менен Ош шаарларында күн ачык болуп, 32…34 градуска чейин жетет.