БИШКЕК, 16-июн. — Sputnik. Россияда өтүп жаткан Футбол боюнча дүйнө чемпионатынын D тобундагы Аргентина менен Исландия беттешип, 1:1 эсебинде тең чыкты.
Оюн Москва шаарындагы "Спартак" стадионунда ишемби күнү өттү.
Биринчи таймда Аргентинанын оюнчусу Серхио Агуэро өзгөчөлөндү. Ал беттештин 19-мүнөтүндө гол киргизип эсепти ачты. Бирок бир аздан кийин эле исландиялык Альфрдеа Финнбогасона Аргентинанын дарбазасына топту киргизип жиберди.
Экинчи таймда Аргентинанын футболчусу Лионель Мессинин тепкен пенальтиси ийгиликсиз болду — дарбазачы топту тосуп алды. Ошентип берилген убакыт да аяктап, эки команда тең чыкты.